چیئرمین تحریک انصاف عمران خان کوئٹہ کا دو روزہ دورہ مکمل کر کے اسلام آباد روانہ ہوگئے۔ ان کا کہنا تھاکہ عوام کرپٹ نظام کے خلاف متحد ہو گئے جلد اس سے چھٹکارہ حاصل کر لیں گے۔
چیئرمین تحریک انصاف عمران خان اسلام آباد روانہ ہونے سے قبل کوئٹہ کے ایک مقامی ہوٹل میں میڈیا کے نمائندوں سے غیر رسمی بات چیت کر رہے تھے۔ انہوں نے کہا کہ عوام سب جان گئے ہیں اور وہ تبدیلی کیلئے تیار ہیں ۔ ایک سوال کے جواب میں ان کا کہنا تھاکہ رانا ثنااللہ ایک قاتل ہے وہ ان کی سیاست پر بات نہیں کرسکتا۔
