امریکی تفتیشی ادارے ایف بی آئی کی ملازم داعش کے دہشت گرد سے شادی کرنے شام پہنچ گئی ۔ امریکا واپس آنے پر گرفتاری اور دو سال قید کی سزا بھگتی۔
ایف بی آئی مترجم ڈینیلا گرین کو داعش کے اہم دہشت گرد سے تحقیقات کا ٹاسک دیا گیا تھا تاہم ڈینیلا ایف بی آئی سے جھوٹ بول کر شام جاپہنچی اور دہشت گرد سے شادی کرلی۔ ڈینیلا کو مشکل میں پھنسنے کا اندازہ ہوا تو وہ شام سے واپس امریکا پہنچنے میں کامیاب ہوگئی جہاں اسے دو سال قید کی سزا بھگتنا پڑی۔
امریکی نشریاتی ادارے نے 2014 میں پیش آنے والے اس حیرت انگیز واقعے کے بارے میں پہلی بار انکشاف کیا ہے۔
