سورج سندھ والوں کا امتحان لینے لگا، کراچی میں گرم ہواؤں کا راج ہے ، درجہ حرارت 41 ڈگری تک پہنچ گیا۔
عبدالرشید کے مطابق درجہ حرارت کو قابو رکھنے والی سمندری ہوائیں معمول کے مطابق نہیں چل رہیں جس کی وجہ سے کراچی میں گرمی میں اضافہ ہوگیا ہے۔ حکمۂ موسمیات نے جمعرات سے موسم میں بہتری کا امکان ظاہر کیا ہے۔ حیدرآباد، نواب شاہ، لاڑکانہ، سکھر اور بدین میں جھلسادینے والی گرمی ہے۔ دادو اور چھور میں پارہ 45 ڈگری تک جاپہنچا۔ جنوبی پنجاب اور بلوچستان کے کئی حصوں میں بھی شدید گرمی ہوگئی۔ ماہرین نے لوگوں کو گرمی سے بچنے کےلیے احتیاطی تدابیر اختیار کرنے کی ہدایت کر دی۔