سپریم کورٹ نے اہلیت پر پورا نہ اترنے والے نیب عہدیداروں کو ہٹانے کا حکم دیدیا ،جن میں ڈی جی آگاہی عالیہ رشید بھی شامل ہیں۔
سپریم کورٹ نے کراچی ،لاہور اور کوئٹہ میں تعینات نیب کے ڈی جیز کوفوری طور پرڈی نوٹیفائی کرنے کا حکم دیدیا، جن میں ڈی جی نیب بلوچستان طارق محمود،قائم مقام ڈی جی نیب کراچی میجر(ر)شبیراور ڈی جی نیب لاہور میجر ریٹائرڈ برہان علی شامل ہیں۔ سپریم کورٹ نے سیکریٹری اسٹیبلشمنٹ،چیئرمین نیب،ڈی جی ایچ آر نیب اور ممبرایف پی ایس سی پر مشتمل کمیٹی کو ترقی پانے والے 102افسران سے متعلق جائزے کی ہدایت کردی ۔ سپریم کورٹ نے اس حوالے سے مزید کہا کہ تقرری کے وقت مطلوبہ اہلیت نہ رکھنے والے 95افسران کا فیصلہ بھی کمیٹی کرے،ان سے متعلق سفارشات 3ماہ میں پیش کی جائیں۔
