شہر ی روڈ پر گاڑی خراب ہونے کی صورت میں اب مزید پریشان نہیں ہوں گے،سٹی ٹریفک پولیس نے شہریوں کے لئے فری موبائل ورکشاپ شروع کرنے کا فیصلہ کیا ہے جس کے لئے تمام تیاریاں مکمل کر لی گئی ہیں۔
آپ کی فراٹے بھرتی گاڑی اگر یکا یک خراب ہو جائے تو پریشان مت ہوں ، ہیلپ لائن 1915 ڈائل کریں ،سٹی ٹریفک پولیس لاہور کی موبائل ورکشاپ حاضرہو جائے گی ۔ موبائل ورکشاپ میں ڈرائیور، الیکڑیشن اور مکینک،ساتھ میں ہوا بھرنے کی ٹینکی ، ویلڈنگ پلانٹ ،بیٹری چارجر ،اسٹیل کٹر ، مکینکل سامان اوربیٹری لیڈز ہوگا پھر بھی کام نہ بنا تو وہ آپ کی گاڑی آپ کی ورکشاپ تک پہنچائیں گے اور یقین جانیے اتنی ڈھیر ساری سروس بالکل مفت فراہم کی جائے گی۔ ڈی آئی جی ٹریفک سید احمد مبین کے مطابق پہلے مرحلے میں مال روڈاور جیل روڈ بعد میں پورے شہر میں سروس چلے گی ۔فری موبائل ورکشاپ صبح 11 سے رات 8بجے تک شہریوں کوسروس دے گی۔
