سندھ کے سینئر وزیر نثار کھوڑو نے سندھ اسمبلی میں متحدہ قومی موومنٹ پاکستان کے احتجاج کو پی ایس پی جلسے کا رد عمل قرار دے دیا۔
ان کا کہنا ہے کہ یہ لوگ اس بات کی خار کھائے بیٹھے ہیں کہ کسی کا جلسہ بڑا ہوگیا اور ان سے ہونہیں پارہا، اگر کسی کا جلسہ بڑا ہوگیا ہے تو یہاں غصہ نہ نکالیں۔ نثار کھوڑو کا مزید کہنا تھا کہ ایم کیو ایم بیک فٹ پر کھیلی اس لیے آؤٹ ہوگئی، ایک سیٹی پر شہر بند ہونے کا دور چلا گیا ۔ انہوں نے خواجہ اظہارالحسن پر جوابی وار کرتے ہوئے یہ بھی کہا کہ بتائیں وہ کس کے اشاروں کے منتظر رہتے ہیں۔
