شریف برادران نے پنجاب کو غنڈہ گردی، قبضہ مافیا ،گلو کریسی کے علاوہ کچھ نہیں دیا، اب اپنی کھودی دلدل میں دھنسنا ان کا مقدر ہے، چوہدری منیر وڑائچ
پیرس(ایس ایم حسنین) مسلم لیگ ق فرانس کے صدر چوہدری منیر وڑائچ نے پانامہ کیس میں اپنے خیالات کا اظہار کرتے ہوئے کہا ہے کہ پانامہ شریف اب جتنی بھی کوشش کرلیں اپنی کھودی دلدل میں دھنستے ہی جائیں گے۔ہر دفعہ پنجاب میں غنڈہ گردی، چور بازاری، گلو کریسی اور دھونس و دھاندلی ان کے دور میں بڑھی ہے ۔ان کی اپنی جوتیاں ہی ان کے سروں میں پڑنے کا وقت آگیا ہے۔
جب بھی کسی نے ان کے احتساب کی بات کی شریفوں نے اس آواز کو کچلا ہے ، درباری وزیر اور خواجگان اپنے طرز عمل سے چورشریفوں کے زرخرید غلام بنے نظر آرہے ہیں۔
ان میں جرات نہیں کہ اپنے آقائوں کے کرتوتوں پر پردہ ڈالنے سے باز رہ سکیں کیونکہ یہ لوگ زرخرید ذہنی غلام ہیں جو اپنی پوزیشن سے ہل بھی نہیں سکتے۔
