اشتعال انگیز پروگرام کرنے پر ایک ٹی وی چینل کے اینکر عامر لیاقت اور چینل انتظامیہ کے خلاف راولپنڈی میں مقدمہ درج کرلیا گیا۔
جبران ناصر کی درخواست پر عامر لیاقت اور ایک ٹی وی چینل کے خلاف ایف آئی آر راولپنڈی کے تھانا مورگاہ میں درج کی گئی، ایف آئی آر میں ملزم عامر لیاقت و دیگر کے خلاف انسداد دہشت گردی اور تعزیرات پاکستان کی دفعات شامل ہیں۔جبران ناصر کا موقف ہے کہ موصوف نے اپنے ٹی وی شو میں نفرت پر مبنی اشتعال انگیز باتیں کیں اور توہین مذہب اور لامذہب ہونے کے بے بنیاد الزامات عائد کیے اور اپنے پروگراموں میں کئی اینکر اور صحافیوں پر بے بنیاد الزامات عائد کیے۔
