خانہ کعبہ کی زیارت اور حج اور عمرہ کرنے کی خواہش ہرمسلمان کے دل میں ہوتی ہے، مسجد الحرام میں معذور، بیمار اور ضعیف افراد کے طواف کیلئے وہیل چیئر کا انتظام ہے، مگر قطر کے معذور نوجوان نے وہیل چیئر کے بغیر کچھ یوں طواف کیا کہ جس نے دیکھا اس کے جذبے کو سلام کیا۔
جوان ہو یا بوڑھا، خاتون ہو یا مرد، ہر مسلمان کی خواہش ہوتی ہے کہ وہ حرم پاک میں حاضری دے اور خانہ کعبہ کا طواف کرے۔صبح شام دن رات یہ طواف جاری رہتا ہے، صحت مند افراد اپنے پیروں پر چل کر یہ سعادت حاصل کرتے ہیں جبکہ بزرگ اور معذور افراد وہیل چیئر پر بیٹھ کر طواف کرتے ہیں۔قطر کے ایک معذور لڑکے کو جب عمرہ کرنے کی سعادت ملی تو اس نے وہیل چیئر پر بیٹھنے سے انکار کردیا اور اپنے ہاتھوں پر چل کر طواف کیا۔پندرہ سالہ غنیم الفتح کی ٹانگیں نہیں ہیں، حرم پاک کی انتظامیہ نے اسے خاص پروٹوکول دیا اور وہیل چیئر پیش کی لیکن اس نے انکار کردیا۔وہیل چیئر پیچھے پیچھے چلتی رہی اور غنیم ہاتھوں پر چل کر طواف کرتا رہا،اسے ہاتھوں پر چل کر طواف کرتا دیکھ کر لوگ جذباتی ہوگئے اور اس کے جذبے کو سلام پیش کیا،امام کعبہ نے بھی غنیم کو گلے لگاکر مبارک باد پیش کی۔
