تھرل سے بھرپور فلموں کے دیوانے ہوجائیں تیار کیونکہ ہالی ووڈ کرائم فلم’’ 48آورز ٹو لو‘‘ کا پہلا سنسنی خیز ٹریلر جاری کردیا گیا ہے۔
بینی بوم کی ہدایت کاری میں بننے والی فلم کی کہانی ایک ایسے شخص کے گرد گھوم رہی ہے جو اپنی بہن کے قاتلوں کا سراغ لگانے کیلئے نکل پڑتا ہے لیکن ایک انتقامی کھیل میں بری طرح پھنس جاتا ہے۔فلم کی کاسٹ میں اداکار ٹومی فلینیگن ،کوڈی لونگو،ڈینیل سیور،میڈیسن آئس مین،ٹینا گِرم اور جیڈ ٹیلر سمیت دیگر فنکار شامل ہیں۔گریگری رومن اینڈرسن کی پروڈیوس کردہ یہ سنسنی خیز مناظر سے بھرپور فلم 13جنوری 2017کو سینما گھروں کی زینت بنے گی۔
