پیپلز پارٹی نے آصف علی زرداری کی آمد پر کراچی ایئر پورٹ اولڈ ٹرمینل پر جلسہ کرنے کی اجازت حاصل کرنے کے لئے کمشنر کراچی کو درخواست دیدی ہے۔وزیراعلیٰ سندھ نے پارٹی کے سابق کو چیئرمین کاشاندار استقبال کرنے کا اعلان کردیا۔
وزیر اعلیٰ سندھ مرادعلی شاہ نے ایئرپورٹ اولڈ ٹرمینل کا دورہ کرتے ہوئے کہا کہ آصف زرداری کا شایان شان استقبال ہوگا ، کسی بھی سرکاری افسر کا ٹرانسفر ہو سکتا ہے،کچھ لوگ تنازع کھڑےکرتے رہیں گے،ہم اپنا کام جاری رکھیں گے۔
پیپلزپارٹی نے درخواست میں سیکورٹی کے ساتھ دیگر انتظامات کرنے اور لائوڈ اسپیکر کے استعمال کی اجازت مانگی ہے۔
