طلباء کا عالمی دن 17نومبر کو منایا جارہا ہے جس کے تحت دنیا بھر میں مختلف تقریبات کا اہتمام کیا جارہا ہے۔
چیکو سلوواکیہ پر جرمنی کے قبضے کے خلاف 17 نومبر انیس سو انتالیس کو دارالحکومت پراگ کی سڑکوں پر مزاحمت کرنے والے طلبا کی یاد میں 17 نومبر کو طلبا کا عالمی دن منایا جاتا ہے۔
لندن میں انٹر نیشنل اسٹوڈنٹس کونسل نے 17 نومبر انیس سو اکتالیس کو طلبا کا عالمی دن منانے کا اعلان کیا اور یہ اعلان بعد میں انٹرنیشنل یونین آف اسٹوڈنٹس کے قیام کانقطہ آغاز بن گیا۔
طلبا کے عالمی دن پر دنیا بھر میں مختلف تقریبات کا اہتمام کیا جاتا ہے۔ خصوصاً تعلیمی اداروں میں پروگرامز ہوتے ہیں جن میں جرمنی کے خلاف مزاحمت کرنے والے چیکوسلوواکیہ کے طلبا کی جدوجہد پر روشنی ڈالی جاتی ہے۔
