وزارت داخلہ کے ذرائع کے مطابق حکومت نے پاک ترک اسکولز کے اساتذہ کی ملک بدری کا حکم جاری کر دیا ہے۔ تمام ترک باشندوں کو 20 نومبر تک پاکستان چھوڑنے کی ہدایت کر دی گئی ہے۔
اس سلسلے میں امیگریشن حکام کو بھی ترک باشندوں کی ملک بدری کا حکم موصول ہو گیا ہے۔ ذرائع وزارت داخلہ کے مطابق اس وقت ملک بھر میں 23؍ پاک ترک اسکولز قائم ہیں، جن میں ترکی سے تعلق رکھنے والے اساتذہ اور دیگر شعبوں میں 108؍ افراد کام کرتے ہیں۔
ذرائع کے مطابق پاک ترک اسکولز سسٹم کے تحت ترک باشندوں اور ان کے فیملی ممبرز کی تعداد 400 ہے۔
