حق وسچ کےامین اورامن ومحبت کی خوشبوبکھیرنے والے عظیم صوفی شاعر شاہ عبداللطیف بھٹائی کا3 روزہ عرس آج بھٹ شاہ میں شروع ہوگیا ہے۔
سندھ میں اسکولوں، کالجوں، جامعہ کراچی اور وفاقی جامعہ اردو میں چھٹی ہے جبکہ صوبائی حکومت کے زیراہتمام سرکاری دفاتر، سندھ ہائیکورٹ اور ماتحت عدالتیں بھی بند رہیں گی۔
شاہ عبداللطیف بھٹائی کو 273ویں سالانہ عرس پرخراج عقیدت پیش کرنےکےلئے مزار پر زائرین کی آمد جاری ہے،اپنی شاعری سےامن محبت اورانسان دوستی کا لازوال پیغام پھیلانے والے شاہ عبداللطیف بھٹائی ،کئی صدیاں گزرجانے کے باوجود آج بھی اپنی تعلیمات کی مہک سےلوگوں کے دلوں میں زندہ ہیں۔
بھٹ شاہ میں ان کے مزار پرقدم رکھتے ہی امن کےپیروکار اورشاہ عبداللطیف بھٹائی کے چاہنے والے ہرسوں نظرآتےہیں۔
سالانہ عرس میں شرکت کے لئے یہاں آنے والوں کی تعدادہزاروں میں ہوتی ہے،مزارکےاحاطے میں دھمال ڈالتے اورشاہ جو رسالو کا کلام سننے والوں پر بے خودی طاری ہوجاتی ہے،شاہ جو رسالو کے ذریعے اپنا کلام دنیا بھرمیں پھیلانے والے عظیم صوفی شاعرکا عرس 14صفرسے 16صفر تک جاری رہے گا۔
ملک بھر سے زائرین مزارپرحاضری دیںگے اور خراج عقیدت پیش کریںگے،ان تقریبا ت میںلطیفی راگ ،لوک شعراء محفل ، سالانہ لطیف کانفرنس،لطیف ایوارڈاورثقافتی نمائش کے علاوہ خصوصی اسٹیج ڈراما بھی پیش کیاجائےگا۔
