برطانوی اسٹار اینڈی مرے نہ صرف پیرس ماسٹرز ٹائٹل جیت لیا، بلکہ وہ عالمی نمبر ایک ٹینس پلیئر بھی بن گئے ہیں۔ اس اعزاز کے ساتھ ہی ان پر خزانے کے منہ کھلنے کا امکان ہے۔
ماہرین کے مطابق اب دنیا کی بڑی کمپنیاں ان سے تشہیری معاہدے کریں گی۔ پیرس ماسٹرز کے فائنل میں انہوں نے امریکا کے جان اسنر کو مات دی ہے۔
وہ43 سال قبل اے ٹی پی کی جانب سے عالمی رینکنگ جاری کیے جانے کے بعد پہلی پوزیشن حاصل کرنے والے پہلے برطانوی ہیں۔ انہیں نوواک جوکووچ سے پہلی پوزیشن چھیننے کیلئے پیرس ماسٹرز کے فائنل تک پہنچنا تھا۔
مرے نے رواں سال شاندار کارکردگی کا مظاہرہ کیا، جہاں انھوں نے دو گرینڈ سلم ٹائٹلز جیتے اور اولمپک اعزاز کا کامیابی سے دفاع کیا۔ ان کا کہنا ہے کہ میں نے کبھی خواب میں نہیں سوچا تھا کہ ایک دن دنیا کا نمبر ایک کھلاڑی بن جائوں گا۔
دریں اثنا جمہوریہ چیک کی پیٹرا کوویٹوا نے یوکرین کی ایلینا ویسنینا کو زیر کرکے ژوہائی ایلیٹ ٹرافی ٹائٹل پر قبضہ کرلیا ہے۔
