قانون نافذ کرنے والے ادارے کے اہلکاروں نے کراچی سے سابق سینیٹر فیصل رضا عابدی کو حراست میں لیا ہے۔
قانون نافذ کرنے والے ادارے کے اہلکاروں نے رات گئے سچل تھانے کی حدود میں نیو رضویہ سوسائٹی میں واقع فیصل رضا عابدی کے گھر پر چھاپا مار کارروائی کرتے ہوئے انہیں حراست میں لے لیا۔
فیصل رضا عابدی کو پوچھ گچھ کے لئے نا معلوم مقام پر منتقل کر دیا گیا ہے تاہم اب تک کسی سکیورٹی ادارے کی جانب سے فیصل رضا عابدی کی با قاعدہ گرفتاری ظاہر نہیں کی گئی۔
قانون نافذ کرنے والے اہلکاروں نے آدھ گھنٹے تک فیصل رضا عابدی کے گھر کی تلاشی لی۔ اس دوران اطراف کی سڑکیں بند کر کے گھر کو حصار میں لیا گیا تھا۔
faisal raza abidi arrestedسکیورٹی ادارے کی 10 گاڑیوں نے کارروائی میں حصہ لیا۔ فیصل رضا عابدی کو حراست میں لیے جانے کی وجہ نہیں بتائی گئی، تاہم ذرائع نے بتایا ہے کہ فیصل رضا عابدی سے چند اہم کیسز کے حوالے سے پوچھ گچھ کی جائے گی۔
