مقابلے میں نیکو روز برگ نے دوسری اور بلجیم کے میکس نے تیسری پوزیشن اپنے نام کر لی
میکسیکو : سیزن کی 19ویں ریس میکسیکو فارمولا ون برطانوی ڈرائیور لوئس ہملٹن نے جیت لی ۔ جرمنی کے نیکو روز برگ دوسرے نمبر پر رہے ۔ ہزاروں شائقین کی موجودگی میں میکسیکو فارمولا ون ریس کا آغاز ہوا ۔ سیزن کی 19ویں ریس میں ڈرائیوروں نےعمدہ مہارت دکھائی ۔ کھلاڑیوں کی ایک دوسرے سے آگے نکلنے کی کوشش تماشائیوں کو بھی خوب بھائی ۔ برطانوی ڈرائیور لوئس ہملٹن اور جرمنی کے نیکو روز برگ میں کانٹے کا مقابلہ ، ہملٹن نے سب کو پیچھے چھوڑ دیا اور ٹرافی اپنے نام کی ۔ نیکو روز برگ نے سخت مقابلے کے بعد دوسری اور بلجیم کے میکس نے تیسری پوزیشن حاصل کی ۔
