سندھ اسمبلی کے حلقہ پی ایس 11میں ضمنی الیکشن کےلئے پولنگ جاری ہے ۔پولنگ بغیر کسی وقفے کے شام 5بجے تک جاری رہےگی۔یہ نشست مسلم لیگ فنکشنل کے امتیاز شیخ کی پیپلز پارٹی میں شمولیت کے باعث خالی ہوئی تھی۔
صوبائی حلقہ پی ایس 11 پر پولنگ صبح 8 بجے شروع ہوئی جو شام 5بجے تک بغیر وقفے کے جاری رہےگی۔حلقے میں رجسٹرڈ ووٹرز کی تعداد ایک لاکھ پینتیس ہزار چار سو پینتیس ہے ۔پولنگ کےلئے 105 اسٹیشن بنائے گئے ہیں ۔تمام پولنگ اسٹیشن کو حساس قرار دیا گیا ہے۔
اس نشست پر پیپلز پارٹی کے ٹکٹ پر امتیاز شیخ، جمعیت علمائے اسلام (ف) کے مولانا ناصر خالد محمود سومرو، تحریک انصاف کے ایڈووکیٹ اعظم بروہی اور آزاد امیدوار زاہد میرانی حصہ لے رہے ہیں ۔ یہ نشست مسلم لیگ فنکشنل کے امتیاز شیخ کی پیپلز پارٹی میں شمولیت کے باعث خالی ہوئی تھی۔
