اب گھر بیٹھے ریل کا ٹکٹ بک کرائیں ،موبائل فون پر تصدیقی پیغام وصول کریں ،پاکستان ریلویز میں ای ٹکٹنگ نظام متعارف کرادیا گیا ،وزیر ریلوے سعد رفیق کہتے ہیں ای ٹکٹنگ نظام گرین لائن ٹرینز پر لاگو ہوگا ، 8ماہ کے دوران تمام ٹرینوں کو ای ٹکٹنگ سے جوڑ دیا جائے گا۔ ای ٹکٹنگ پر سروسز چارجز ہوں گے،جو دینا پڑیں گے۔
وزیر ریلوےخواجہ سعد رفیق نے ای ٹکٹنگ سسٹم کی افتتاحی تقریب کےموقع پر میڈیا سےگفتگو میں کہا کہ آج کا دن پاکستان ریلوےکی تاریخ میں انتہائی اہمیت کا حامل ہے،شروع میں ای ٹکٹنگ کا نظام گرین لائن ٹرینز پر لاگو کیا گیاہے،لاہور اور راولپنڈی کے درمیان چلنے والی ریل کارز کو بھی ای ٹکٹنگ میں شامل کیا گیاہے۔
عمران خان کے بارے سعد رفیق کا کہنا تھا کہ ایک کھلنڈراشخص،جو خود کو سیاستدان کہتاہے،عوام نے اسے مسترد کر دیا ہے ،بھارت پاکستان کی سرحدوں پر چھیڑکانی کر رہی ہے،لیکن یہ ملک میں تماشا کر رہا ہے ،لاہور:یہ عجیب آدمی ہے،نہ عقل ہے،نہ دلیل، نہیں سمجھتا کہ اس شخص کو کسی ٹریٹمنٹ کی ضرورت ہے،پورےملک میں سے چند ہزار لوگ اکٹھے کرنےسےکیا فرق پڑ گیا،رائے ونڈ جانا ہی تھا،تو دیکھ لیتا کہ کیا یہ موزوں وقت ہے۔
پرویز مشرف کے سوال پر سعد رفیق نے کہا کہ پرویزمشرف ناچنےگانے اور ٹھمکا لگانے میں لگا ہوا ہے،اب ان کی کمر اور ہڈیاں بھی ٹھیک ہیں،ان کااصل کام ناچنا ہے،انہیں ناچنے دیں۔
سعد رفیق نے کہا کہ اگر رعایتی ٹکٹ والے مناسب ڈسکاؤنٹ پر آ جائیں تو انہیں بھی ای ٹکٹنگ پر لےآئیں گے،رعایتی ٹکٹ لینےوالوں کو ای ٹکٹنگ کی سہولت فی الحال میسر نہیں ہو گی،80فیصد رعایت موزوں نہیں ہے،یہ میرا پالیسی بیان ہے،صحافیوں کو 80فیصد رعایت مل رہا ہے۔
انہوں نے کہا کہ عوام ایکسپریس کے حادثے کے نو افراد ذمہ دار ہیں، عوام ایکسپریس کا اسسٹنٹ ڈرائیوراور گارڈ حادثے کے ذمہ داروں میں شامل ہیں،مال گاڑی کا ڈرائیور اور گارڈ بھی حادثے کے ذمہ دار ہیں،شیرشاہ کا اسٹیشن ماسٹر اور ملتان کنٹرول روم کا چیف سیکشن کنٹرولر ذمہ دار ہے،حادثے کے ذمہ داروں کو شوکاز جاری کرکے ان کے خلاف کارروائی شروع کردی جائے گی
