ممبر بننے کے بعد سول جوہری ٹیکنالوجی کے حصول میں حائل رکاوٹوں کا دور ہونا یقینی ہوجائے گا :ذرائع
اسلام آباد (یس اُردو ) پاکستان نے نیوکیلئر سپلائی گروپ کا ممبر بننے کے لیے کوششیں مزید تیز کر دیں ۔ حمایت حاصل کرنے کے لیے روس سمیت دنیا کے اہم ممالک سے رابطے کیے گئے ہیں ۔ نیوکلیئر سپلائر گروپ کا ممبر بننے سے پاکستان کو کیا فوائد حاصل ہوں گے ۔ نیوکلیئر سپلائر گروپ کا ممبر بننے کے لیے پاکستان کی کوششیں تیز ، ممبر بننے سے سول جوہری ٹیکنالوجی کے حصول میں حائل رکاوٹوں کا دور ہونا یقینی ، تجزیہ کاروں کا کہنا ہے کہ اگر پاکستان نیوکلیئر سپلائر گروپ کا ممبر بننے میں کامیاب ہوجاتا ہے تو پاکستان پر سول جوہری ٹیکنالوجی کے دروازے کھل جائیں گے ۔ تجزیہ کار کہتے ہیں پاکستان کا کمانڈ اینڈ کنٹرول سسٹم موثر ہونے کی عالمی دنیا پہلے ہی معترف ہے ۔ نیو کلیئر سپلائر گروپ کا ممبر بننے سے پاکستان کو ایک ذمہ دار ایٹمی قوت کے طور پر اہم مقام حاصل ہو جائے گا ۔ تجزیہ کاروں کا کہنا تھا کہ ممبر بننے سے پاکستان کی توانائی ضروریات پوری ہو سکیں گی اور تیز رفتار معاشی ترقی کا خواب بھی پورا ہو گا ۔
