شیخوپورہ(بیورورپورٹ)تھانہ ہاؤسنگ کالونی کے علاقہ ساہوکی ملیاں میں اوباش نوجوان نے بھٹہ مزدور کی بیوی کواسکے گھر میں گھس کر جان سے مار دینے کی دھمکی دیکر اپنی حوس کا نشانہ بناڈالا اور فرار ہوگیا، بتایا گیا ہے کہ بھٹہ مزدور جاوید مسیح کی بیوی (س) گھر میں اکیلی تھی کہ اس دوران ملزم بوٹا مسیح موقع پا کر اس کے گھر داخل ہوگیا اور خاتون کو گن پوائنٹ پر یرغمال بنا کر زیادتی کرڈالی ، پولیس نے مقدمہ درج کرلیا ہے ، دریں اثناء محلہ ارائیانوالہ میں بھی نوجوان عامر نے اپنے دو ساتھیوں کی مدد سے مبینہ طور پر سابقہ آشنائی کا فائدہ اٹھاتے ہوئے مقامی شہری محمد منشاء کی جواں سالہ بیٹی (ط) کو اغواء کرلیا اور نامعلوم مقام پر لے گئے ، محلہ فاروق نگر میں ایف اے کی طالبہ(الف) کو مبینہ طور پر سابقہ آشنائی کی بناء پر ایک نوجوان طاہر نے کالج کے راستے سے اغواء کرلیا وہ ایف کا امتحان دینے امتحانی سنٹر میں گئی تھی، بی ڈویژن پولیس نے مغویہ کے والد مقصود کی رپورٹ پر مقدمہ درج کرلیا ہے ۔علاوہ ازیں نواحی گاؤں ساہوکی ملیاں میں ایک زمیندار محنت کش کے گھر میں داخل ہوگیا اور اس کی بیوی (س) کو اکیلا پا کر اس سے زیادتی کی کوشش کی پولیس نے ملزم بابر کے خلاف مقدمہ درج کرلیا ہے ، دریں اثناء گاؤں گروواں والی میں ایک نوجوان نیاز احمد نے لڑکی (ک) کے ساتھ زیادتی کی ناکام کوشش کی۔
