شیخوپورہ(بیورورپورٹ)شہر اور گردونواح میں ڈکیتی چوری اور راہزنی کی وارداتیں جاری ہیں، فیصل آباد روڈ پر ڈھایا موڑ میں دو ڈاکو تاجر علی عباس کی دکان میں گھس کر اس سے پانچ قیمتی موبائل ،25ہزار روپے اور ایک لیپ ٹاپ چھین کر فرار ہوگئے، گوجرانوالہ روڈ پر دھیردے موڑ کے نزدیک دوڈاکو کوٹ رنجیت کے نوجوان طاہر محمود سے اس کی موٹر سائیکل گن پوائنٹ پر چھین کر فرار ہوگئے،چک نمبر 169منڈی ڈھاباں سنگھ میں زمیندار احمد حسین کی حویلی میں داخل ہو کر 4مسلح افراد قیمتی گائے چھین کر فرار ہوگئے ، لاہور روڈ کی آبادی بدو کے قریب چار ڈاکو تاجر تنویر حسین سے دو لاکھ روپے کیش ، 25ہزار روپے مالیت کے پرائز بونڈز اور ایم ٹی ایم کارڈ چھین کر فرار ہوگئے، لاہور روڈ پر کوٹ عبدالمالک کے نزدیک چار ڈاکو ؤں نے لاہور ایئرپورٹ سے فاروق آباد جانیوالی کار کو روک کر اس میں سوار بیرون ملک سے آنے والے محنت کش وقار علی اور اسکے اہلخانہ کو لوٹ لیا اور ان سے لاکھوں روپے مالیت کی ملکی و غیر ملکی کرنسی چھین کر فرار ہوگئے، گاؤں نئی بھینی سے نوجوان عدنان کی موٹر سائیکل چوری ہوگئی، جی ٹی روڈ پر منوں آباد کے قریب محنت کش ادریس سے 35سو روپے اور کریڈٹ کارڈ چھین کر فرار ہوگئے، گاؤں (ن) میں سات مسلح افراد زمیندار محمد انور سے 50من مونجی چھین کر فرار ہوگئے، تھانہ سٹی اے ڈویژن کے علاقہ جمیل ٹاؤن میں پانچ مسلح ڈاکوؤں نے شبیر احمد کے گھر داخل ہو کر اہلخانہ کو یرغمال بنالیا اور گن پوائنٹ پر نقدی، زیورات اور دیگر اشیاء چھین کر فرار ہوگئے،تھانہ سٹی اے ڈویژن کے گنجان آباد علاقہ طارق روڈ میں راہگیر خاتون سے دو موٹر سائیکل سوار ملزمان نے پرس چھین لیا جس میں 5ہزار روپے نقدی اور موبائل فون و ضروری کاغذات تھے، تھا نہ ہاؤسنگ کالونی کے علاقہ ایک کیمکلز ساز فیکٹری کے قریب نوجوان محمد عمر سے دو ڈاکوؤں نے گن پوائنٹ پر پانچ ہزار روپے اور موبائل فون چھین لیا،قصبہ مانانوالہ کے ایک میرج ہال کے قریب واقع آصف نامی شخص کی دکان سے نامعلوم چور تالے کاٹ کر لاکھوں روپے کا سامان لے اڑے، تھانہ اے ڈویژن کے علاقہ جناح پارک میں فہد نامی شہری کی موٹر سائیکل جبکہ شرقپور روڈ سے نعمان اکرم کی موٹر سائیکل چوری ہوگئی، پولیس مصروف تفتیش ہے
