لیوٹن برطانیہ (نمائندہ خصوصی) پاکستان مسلم لیگ ن آزاد کشمیر کے مرکزی نائب صدر راجا امتیاز نے اخباری نمائندگان کے ساتھ گفتگو کرتے ہوئے اپنے خیالات کا اظہار کرتے ہوئے کہا کہ سالار جمہوریت سردار سکندر حیات خان کی قیادت میں آزاد کشمیر کے الیکشن میں بھر پور کامیابی حاصل کریں گے۔
حلقہ ۴ چڑھوئی فاروق حیدر کے سپاہیوں کی سرزمین ہے ۔ آمدہ الیکشن میں پاکستان مسلم لیگ ن آزاد کشمیر ہی عوام کی نمائندہ سیاسی جماعت کی صورت کامیابی حاصل کرے گی اور وہ دن دور نہیں جب آزاد کشمیر بھر میں عوامی راج ہوگا الیکشن کمپین میں پاکستان مسلم لیگ ن آزاد کشمیر کی یوتھ ونگ جو اہم کردار ادا کر رہی ہے اس سے بخوبی واقف ہیں اور اس لگن اور محنت پر میں ان کو خراج تحسین پیش کرتا ہوں۔
تمام کارکنان کا جوش و ولولہ اور مل جل کر کام کرنے سے اندازہ لگایا جا سکتا ہے ہے کہ مسلم لیگ ن آزاد کشمیر یوتھ ونگ اور دیگر کارکنان کا برادری ازم سے دور دور کا کوئی واسطہ نہیں۔ ہم اس فردوسہ نظام کا خاتمہ کر کے رہیں گے اگر کوئی ہماری برادری ہے بھی تو وہ صرف پاکستان مسلم لیگ ن آزاد کشمیر،یہی ہمارخاندان و قبیلہ ہے اور یہی وہ مالا ہے جس میں تمام کارکنان موتیوں کی طرح جڑے ہوئے ہیں۔
یوتھ ونگ کے لئے ایک ہی پیغام ہے کہ آپ سب سالار ارجمہوریت اور فاروق حیدر کے سپاہی ہیں پارٹی انشاء اللہ کارکنان کو مایوس نہیں ہونے دی گی اور امدہ الیکشن میں بڑی کامیابی کے ساتھ عوامی خدمت کے میدان میں سامنے آئیگی لیکن اس کے لئے ڈور ٹو ڈور کمپین کا سلسلہ مزید تیز کرنا ہوگا تا کہ ذیادہ سے زیادہ بلکہ ہر گھر میں پاکستان مسلم لیگ ن آزاد کشمیر کا پیغام پہنچایا جا سکے اسی میں ہماری کامیابی ہے۔
انہوں نے مزید کہا کہ چڑھوئی کی عوام کے اچھے دن آنے والے ہیں اور بھوک ، ننگ ، افلاس اور جھوٹے مقدمات کا کا خاتمہ ہونے کو ہے یاسین کے خلاف تمام چڑھوئی کی عوام متحد ہے اوراس بار عوام یاسین کو عبرت ناک شکست سے دوچار کر کے رہے گی ۔ہم پر امید ہیں کہ ہم اس عوامی حقوق کی جنگ میں کامیابی سے ہمنکنار ہونگے۔
تمام پارٹی کے رہنما اور کارکنان میرے لئے قابل احترام ہیں ٹکٹ جس بھی رہنما کے حصہ میں آیا اس کی بھرپور سپورٹ کریں گے کیونکہ ہمیں ہر حال میں پارٹی کے قوائد و ضوابط کا خیال رکھنا ہے اور ہم سالار جمہوریت سردار سکندر حیات خان ، فاروق حیدر کی قیادت میں اپنی عوام کے بہتر مستقبل کے لئے جدو جہد کررہے ہیں۔
