پٹنہ (کامران غنی) کتابی دنیا کا فروغ اور نت نئی مطبوعات میں اضافے کی سنجیدہ جدوجہد ہر زمانے میں مہذب اور ترقی یافتہ معاشرے کی پہچان رہی ہے اور بہار اردو اکادمی نے منتخب کتابوں پر انعامات اور معیاری مسودات پر اشاعتی اعانت کی صورت میں ہمیشہ ہی اس روایت کو مستحکم بنانے پر ترجیحی توجہ دی ہے۔ ان خیالات کا اظہار کرتے ہوئے سکریٹری اکادمی مشتاق احمد نوری نے کہاکہ ہمیں خوشی ہے کہ اکادمی ایوارڈ کے فیصلے کے ساتھ، اکادمی کی مجلس عاملہ کی نشست میں ٢٠١٤ء کے لیے کتابوں پر انعامات اور مسودات پر اشاعتی اعانت کے فیصلے بھی لیے گئے۔
واضح رہے کہ اکادمی ایوارڈ کی طرح، انعامات کتب کی رقم میں بھی دو چند اضافہ کردیا گیاہے۔ پہلے اوّل انعام دس ہزار روپے، دوسرا انعام ساڑھے سات ہزار روپے اور تیسرا انعام پانچ ہزار روپے تھا اور اب یہ رقم بڑھاکر بالترتیب اکیس ہزار، پندرہ ہزار اور دس ہزار کردی گئی ہے۔ وزیرمحکمہ اقلیتی فلاح حکومت بہار و کارگزار صدر اکادمی محترم ڈاکٹر عبدالغفور کی صدارت میں گزشتہ ١٠فروری کو منعقدہ نشست میں لیے گئے فیصلے کے بموجب، موصولہ مطبوعات پر21,21,500 روپے کے مجموعی انعام اور موصولہ مسودات پر 4,24,640 روپے کی مجموعی اشاعتی اعانت کی رقم منظور کی گئی۔
مذکورہ نشست میں ٢٤ کتابوں پر اکیس، اکیس ہزار روپے کے پہلے انعامات دینے کا فیصلہ کیاگیا جس کی تفصیل درج ذیل ہے: دیدہ وران بہار (منظوم) (عبدالمنان طرزی)، غیر منقسم بہار میں اردو کے غیر مسلم شعرا اور ان کی خدمات (ڈاکٹر محمد محفوظ الحسن)، میر کلو کی گواہی (ڈاکٹر نعیم شاہد)، ماحولیاتی سائنس(شازلی حسن خاں)، قاضی عبدالستار : اسرار و گفتار(راشد انور راشد)، مکاشفات (شاہد رشید)، آ بشار (قسیم سہسرامی)، فانوس خیال (ڈاکٹر سید مظفر عالم ضیا)، متن اور معنی (ڈاکٹر شہاب ظفر اعظمی)، شبلی شناسی کے سو سال (ڈاکٹر محمد الیاس اعظمی)، انجم مانپوری بحیثیت طنز و مزاح نگار (ڈاکٹر شبیر عالم)، نہ یہ بستی ہماری نہ وہ صحرا ہمارا (عالم خورشید)، اسد خستہ جاں (اکبر رضا جمشید)، رشید امجد : فکر و فن (آفتاب احمد فریدی)، ظفر اوگانوی : نقوش و آثار (ڈاکٹر عاصم شہنواز شبلی)، احتشام حسین کا تنقیدی شعور (ڈاکٹر شائستہ انجم نوری)، روئے خوش رنگ(غضنفر)، مسلم معاشرے میں لوک گیت(عبدالخالق)، بیرونی ممالک کے شاہکار افسانے (رفیق شاہین)، ورق ورق آئینہ(طلحہ رضوی برق)، نئی غزل میں تلمیح کی معنوی وسعت (ڈاکٹر منظر اعجاز)، فکشن کی تلاش میں (ابو بکر عباد)، بہار میں تخلیقی نثر (آزادی کے بعد) جلد اول و دوم(قیام نیر)، ذوق مطالعہ(ڈاکٹر صفدر امام قادری)۔
اس نشست میں ٧٢ کتابیں پندرہ، پندرہ ہزار کے دوسرے انعام کے لیے منتخب کی گئیں جن کی تفصیل یہ ہے:
نور حرا (سید نفیس دسنوی)، ہوئے پڑھ کے ہم جو رسوا (سید محمد جلیل)، ننھی منی باتیںدہم (حیدر بیابانی)، بساط سخن (عبدالمتین جامی)، تنقید و تفہیم (ڈاکٹر مناظر عاشق ہرگانوی)، اردو افسانے میں ہندوستانی معاشرہ (ڈاکٹر گل رخ ذہین)، مولانا احمد رضا خاں : حیات و خدمات (ڈاکٹر رضا ء الرحمن عاکف)، مولانا آزاد: قومی یکجہتی کے معمار (ڈاکٹر محمد حامد علی خاں)، حاشیہ (ضمیر درویش)، مقال (ڈاکٹر آفاق عالم صدیقی)، شجر ممنوعہ کی چاہ میں (پرویز شہریار)، تذکرہ مشاہیر ادب مشرقی مگدھ (ابوالکلام رحمانی)، نثری اصناف ادب اور ..(اقبال حسن آزاد)، سعادت حسن منٹو کے افسانوں.. (ڈاکٹر نوشابہ پروین)، داعی اسلام : شخصیت اور پیغام (شاہ اجمل فاروق ندوی)، لسانی اور ادبی مطالعے (قیصرضحی عالم)، اخترالایمان کی شاعری کا تنقیدی مطالعہ (ڈاکٹر ناز بیگم)، تمہارے لیے (تحسین روزی)، غزل بر سنگ (احسن راشد)، ادب امکان (ابرار احمد اجراوی)، مغربی بنگال کا شعری و نثری ادب (ڈاکٹر شاہد ساز)، ایک بوند زندگی (بلراج بخشی)، مدحت الاختر : شخص اور شاعر (ڈاکٹر سروشہ نسرین قاضی)، دستکوں کے نشان (ندیم ماہر)، خوشبو گلاب کی (ثریا جبیں قادری)، منزل (جمیل احمد جمیل)، اردو کی شخصی مرثیہ نگاری میں چکبست اور محروم کا حصہ (سید مسعود عالم)، اردو تحریر و تلفظ مع قواعد (محمد یامین برکاتی)، مراٹھواڑہ میں اردو غزل آزادی کے بعد (ڈاکٹر شاہین فاطمہ )، نیلم کی آواز (ڈاکٹر امام اعظم)، لمبی چپ کا شور (احسان ثاقب)، کاٹھ کا لشکر (فردوس گیاوی)، بوندا باندی (عطاء الرحمن طارق)، کلیات محسن زیدی (رفیعہ زیدی )، روپ کی دھوپ (محفوظ الرحمن عادل)، اردو درس و تدریس (ڈاکٹر عزیزاللہ شیرانی)، لرزتے سائے (حمید خضر)، میر، غالب اور اقبال (تاج پیامی)، بلند کردار لوگ (ڈاکٹر کبیر الدین خاں وارثی)، اردو ناولٹ : ہیئت، اسالیب اور رحجانات (ڈاکٹر سید وضاحت حسین رضوی)، چند سخنور شہر غزل کے (شبیر عباسی)، قرة العین کی افسانہ نگاری (ڈاکٹر مسرت جہاں)، حضرت مولانا سید شاہ عبدالحئی ہوش اشرفی (ڈاکٹر سید محمد کاظم ہاشمی)، بہار کے چند نامور شعرا (جلد دوم) (ڈاکٹر مظفر مہدی)، مظفر حنفی : حیات و جہات (فیروز مظفر)، مٹھی میں جادو (ساحر دائود نگری)، سحر ہونے تک… (شبیہہ زہرا حسینی)، بیاض رحمت (خاور نقیب)ِ، شکیل بدایونی : شخصیت اور فن (مسرت اللہ خاں)، اردو تنقید کے فروغ میںڈاکٹر طاہر تونسوی کی خدمات (ڈاکٹر محمد عاشق خاں)، فکر و نگاہ (ڈاکٹر محمد زاہد)، سلطان اختر کی شاعری (محمد شیراز حمیدی)، تمنا کے دست خط (حسین احمد اعظم)، شجر سایہ دار (مرغوب اثر فاطمی گیاوی)، علیم اللہ حالی کی نظمیں (ڈاکٹر محسن رضا رضوی)، ادبی مطالعے (ریحان حسن)، سورج تم جائو (علینا عترت)، اردو خاکہ نگاری کے فروغ میں … (قدسیہ خاتون)، دل کا موسم (نسیم مظفر پوری)، زرد پتوں کی دعا (گوہر شیخ پوروی)، باتیں میر کارواں کی (محمد عارف اقبال)، بہار میں جدید اردو غزل (ڈاکٹر رابعہ مشتاق)، تفہیم و تعبیر (رضوانہ پروین)، غضنفر کا ناول مانجھی : ایک تنقیدی مطالعہ (الفیہ نوری)، تصانیف رفعت سروش (نکہت پروین)، سیاق و سباق (صابر علی سیوانی)، دسترس (احمد اشفاق)، ایک دن کا لمبا سفر (شاکر کریمی)، اصطلاحات کلیات ادویہ وصیدلہ (سید فضل اللہ قادری)، مطالعات (سہیل انجم)، پوکھر میں سنگھاڑے (شکیل اعظمی)، احتساب فکر و نظر( ڈاکٹر مشتاق احمد)۔
اسی طرح دس دس ہزار کے تیسرے انعام کے لیے ٥٣ کتابوں کا انتخاب عمل میں آیا جن کی تفصیلات درج ذیل ہیں ہمارے بچے (سید نوشاد بیگم محمود)، چمکا پھر ایک تارا (محمد ظہور احمد عبدالکلام)، پرتو (نثار احمد صدیقی)، خزانۂ ادب (ڈاکٹر دیس راج سپرا)، طرفہ تماشا (حمید عادل)، شعور بصیرت (ڈاکٹر مشتاق احمدو انی)، پیمان قلم (مختار عاشقی جونپوری)، مفاہیم ادب (سرور عثمانی)، عکس در عکس (مصطفی جمیل بالاپوری)، نوائے دل (رضوانہ شبنم)، شگاف (ڈاکٹر نسرین ترنم)، آئینہ خیال (ظہیر محمد )، نیا سویرا (محمد مجیب احمد)، پروین شاکر : فکر و فن (ڈاکٹر فرحت یاسمین)، لفظیات غزل (ڈاکٹر نفاست کمالی)، دیدہ عبرت نگاہ (منیر سیفی)، نصف سفر (سیدہ شان معراج)، صدائے روح (معراج احمد معراج)، المدد المدد یا نبیۖ (نسیم شاہ جہاں پوری)، بزرگ توئی (ابرار کرت پوری)، اردو کے چند مقبول افسانے (ڈاکٹر محمد ثاقب انور)، مٹھیاں (مظہر سلیم)، علیم اللہ حالی : حیات اور شاعری (ڈاکٹر فہیم احمد)، خدا کے لیے (سراجفاروقی)، جھارکھنڈ میں اردو شعر و ادب (عبدالمنان)، بازی گر (محمد قیوم میو)، اردو کی نفسیاتی کہانیاں (شموئل احمد)، رسالہ شاہراہ : تجزیاتی مطالعہ اور اشاریہ (نوشاد منظر)، کنہیا لال کپور : حیات و خدمات (نہال ناظم)، خواب آسمانوں کے (ڈاکٹر جاوید نسیمی)، منظر منظر خواب (عمران عظیم)، آئینہ آج کا (سلطان آزاد)، مرید سخن (ڈاکٹر محمد طفیل آزاد)، علامہ جمیل مظہری کی مثنوی نگاری (ڈاکٹر سید محمد مسلم)، چاند کے پار (منظر عباس)، لال پل کا دیوانہ (دیپک کنول)، نگار فکر (صبا نقوی)، گلشار (پرویز رحمانی)، شہر کی چوری (محمد طارق)، جدید اردو افسانے کے چند اہم فن کار (تسنیم فاطمہ)، فلاح دارین (عبدالقادر ارشد کمالی)، تازہ ہوا (عبدالحی پیام انصاری)، آل ازویل (ڈاکٹر شیخ رحمن اکولوی)، میرے خواب انوکھے (ریحانہ محمد علی)، گجرا (ضمیر احمد ضمیر سالکی ادیبی)، اشتیاق سعید کی فنی جہات (عبدالباری ایم ۔کے)، نور حرا (دانش نورپوری)، عرفانِ شہباز (ڈاکٹر تابش مہدی)، پر تو فکر (نفیس فاطمہ)، نثر نگاران دربھنگہ (منصور خوشتر)، آنسوئوں کے موتی (کمار پانی پتی)، صبا آنگن میں (عرفان بنارسی)، گھر کی زینت (ڈاکٹر یاسمین اختر)۔ مزید برآں شہناز فاطمی کے ناول ”لمحوں کی کسک” کو ساڑھے سات ہزار روپے کا چوتھا انعام دیے جانے کا فیصلہ لیا گیا۔
اشاعتی اعانت کے لیے کل ١٩ مسودوں پر 4,24,640 روپے منظورکیے گئے:لہو کی لکیریں (محمد آصف اقبال)، ناشاد اورنگ آبادی : شخصیت اور شاعری (ڈاکٹر خورشید انور)، فاروق احمد پیامی عظیم آبادی (ارشد افضل)، اردو کے چند جاسوسی اور سماجی ناول (ڈاکٹر منظر اعجاز)، مانک ٹالا : فنکار و محقق (ڈاکٹر فرحانہ ظہیر)، احداث (ڈاکٹر آفاق عالم صدیقی)، داڑھی (صغیر رحمانی)، چراغ تہ داماں (شہناز فاطمی)، لفظ لفظ نغمگی (شمیم انجم وارثی)، اردو ڈراما نگاری اور پروفیسر محمد حسن (ڈاکٹر خالدہ خاتون)، تانیثی مباحث : مشاہیر ہندو پاک (انور شمیم)، مظہرالاسلام کا فن اور نمائندہ کہانیاں (غالب نشتر)، میزان ادب (محمد امجد رضا امجد)، تنقیدی زاویے (مناظر عاشق ہرگانوی)۔ دہلیز کا چراغ (مناظر حسن شاہین)، حروف زریں (تبسم فرحانہ)،تحقیق و تنقید (قیام نیر)، مولانا ابوالکلام آزاد: افکار و نظریات (احسان عالم)،کلام سلطان مرزا (نوشابہ الرحمن)۔
