لالہ موسیٰ(جمیل احمدطاہر)اسلام آبادمیں اہلسنت کے دھرناکے شرکاء کا پانی بندکرنے کیخلاف لالہ موسیٰ کی سنی تنظیمات کا جی ٹی روڈ پردھرناجاری،تفصیل کے مطابق اسلام آبادمیں جاری اہلسنت وجماعت کے اکابرین کی قیادت میں دھرناکے شرکاء پرحکومتی ظلم وجبراور کھاناپانی بندکرنے کیخلاف لالہ موسیٰ کی سنی تعلیمات کا مشترکہ دھرنا میلادچوک جی ٹی روڈ پردیاگیا،خطیب شہرمولاناغلام ربانی چشتی ،مولانامحمدیوسف سیالوی ،عثمان عزیزقادری ،صاحبزادہ غلام مرتضیٰ طیب،ڈاکٹردلاورجلالی سمیت قائدین اہلسنت کی قیادت میں احتجاجی ریلی جامعہ مسجدقادریہ سے شروع ہوئی جو میلادچوک پرپہنچ کرجلسہ کی شکل اختیارکرگئی ،ریلی کے شرکاء سے خطاب کرتے ہوئے مقررین نے اسلام آبادمیں دھرناشرکاء پرظلم وجبراور کھاناپانی تک بندکردینے کی پرزورالفاظ میں مذمت کی گئی اور اعلان کیاگیاکہ قائدین اہلسنت کی طرف سے کئے گئے مطالبات کی منظوری تک دھرناجاری رہے گا،دھرناکے شرکاء نے نمازمغرب بھی جی ٹی روڈ پراداکی ،جبکہ دھرناکے شرکاء کی تعدادمیں لمحہ بہ لمحہ اضافہ ہوتارہا۔
