باغبانپورہ کا رہائشی ساٹھ سالہ محنت کش عبدالستار کچھ عرصہ سے بیمار تھا ، جعلی پیر نے علاج کے بہانے شہری کو زندہ جلا دیا
گوجرانوالہ (یس اُردو) گوجرانوالہ میں جعلی عامل نے جنات نکالنے کا عمل کرنے کے دوران مبینہ طور پرتشددکر چھ بچوں کے باپ کی جان لے لی، پولیس نے نعش کوڈسٹرکٹ ہیڈ کوارٹر ہسپتال منتقل کر دیا ہے جبکہ ملزم فرار ہوگیا ۔
باغبانپورہ کا رہائشی ساٹھ سالہ محنت کش عبدالستار کچھ عرصہ سے بیمار تھا جس کے علاج کیلئے اس کے اہل خانہ نے گوجرہ سے عامل سائیں بابا کو بلوایا ، عامل اپنے دو ساتھیوں کے ہمراہ وہاں پہنچ گیا اور جنات کا سایہ قرار دے کر عبد الستار کو گھر کے ایک کمرے میں لے گیا جہاں وہ کوئلہ جلا کر چلہ کاٹتا رہا ، کمرے سے کوئی آواز نہ آنے پر اہل خانہ نے کمرے کا دروازہ توڑا تو کمرے میں عبدالستار کی نعش موجود تھی ۔ تشدد اور کوئلہ کے دھویں کے باعث عبدالستار کا چہرہ اور جسم بری طرح جھلس چکا تھا جبکہ عامل سائیں بابا اپنے ساتھیوں سمیت غائب تھا، اطلاع ملنے پر تھانہ باغبانپورہ پولیس نے نعش کو ڈسڑکٹ ہیڈ کوارٹر ہسپتال منتقل کر کے فرار ہونے والے جعلی عامل اور اس کے ساتھیوں کی تلاش شروع کر دی ہے ۔
