اسلام آباد……وزیراعظم نوازشریف سے ایران کے صدر حسن روحانی نے ون آن ون ملاقات کی ، اس کےبعد وفود کی سطح پر مذاکرات ہوئے۔
ایرانی صدر حسن روحانی 2 روزہ دورے پر اسلام آباد پہنچے تو وزیراعظم نے کابینہ ارکان کےہمراہ چکلالہ میں نور خان ائیر بیس پر ان کا پرتپاک استقبال کیا۔ اس موقع پر ایرانی صدرکو21 توپوں کی سلامی دی گئی۔ ایرانی کابینہ کے ارکان، اعلیٰ حکام اور تاجروں کا اعلیٰ سطح کا وفد بھی ایرانی صدر کے ہمراہ موجود ہے ۔ایرانی صدر وزیراعظم نوازشریف سے ملاقات کے لیے پرائم منسٹر ہاؤس پہنچے تو وزیراعظم نے ان کا خیرمقدم کیا، ایرانی صدر کو گارڈ آف آنر پیش کیا گیا، ایرانی صدر نے وزیراعظم نوازشریف سے ون آن ون ملاقات کی، بعد میں پاکستان اورایران کے درمیان دو طرفہ تعلقات، باہمی تعاون سمیت دیگر امور پر بات چیت ہوئی۔
