لالہ موسیٰ(جمیل احمدطاہر)انجمن فلاح عوام رجسٹرڈ لالہ موسیٰ کے زیراہتمام مستحق مسیحی خواتین میں عیدی تقسیم کی گئی ،ممتازاقلیتی راہنماء ریاض گل پر منعقدہ خصوصی تقریب میں سیدفیض الحسن شاہ چیئرمین یونین کونسل کلیوال سیداں،سیدضیاء علی شاہ صدرانجمن فلاح عوام رجسٹرڈلالہ موسیٰ وکونسلرلالہ موسیٰ نے مسیحی مستحق خواتین میں عیدی تقسیم کی،تقریب میں نومنتخب کونسلرعمران علی بھٹی ،نعیم بھٹی کو نسلر،ممتازماہرتعلیم ملک محمدشفیق بوسال بھی موجودتھے،اس موقعہ پرخطاب کرتے ہوئے سیدفیض الحسن شاہ نے کہاکہ مسیحی ہمارے بھائی ہیں اور مستحق مسیحی خواتین کو ایسٹرکی خوشیوں میں شامل کرنے کیلئے ہماراخاندان حسب معمول اپناکرداراداکرتارہے گا،صدرانجمن فلاح عوام لالہ موسیٰ سیدضیاء علی شاہ نے کہاکہ انجمن فلاح عوام لالہ موسیٰ گزشتہ 30سالوں سے عوام کی خدمت میں پیش پیش ہے ،ہم عیدالفطرکے موقعہ پرمسلمان مستحق افرادمیں راشن تقسیم کرتے ہیں اور ایسٹرکے موقعہ پرمسیحی خواتین میں عیدی تقسیم کرتے ہیں اور الحمدوللہ ہم ممبران انجمن فلاح عوام لالہ موسیٰ اپنی جیب سے عوام کی خدمت کررہے ہیں اور مستحق افرادکو روزگارکیلئے قرض حسنہ فراہم کررہے ہیں ،انہوں نے کہاکہ سادات خاندان کا ہمیشہ سے انجمن فلاح عوام لالہ موسیٰ کے ساتھ غیرسیاسی طورپروسیع تعاون شامل رہاہے ،سیدمنظورحسین شاہ شہید،سیدمحسن علی شاہ شہیدکے بعدسیدنورالحسن شاہ اور سیدفیض الحسن شاہ کاہمارے ساتھ بھرپورتعاون چل رہاہے،انہوں نے کہاکہ مسیحی برادری کے افرادہمارے لئے قابل احترام ہیں ان کی مدداور ان کی خوشیوں میں شریک ہوکردلی خوشی ملتی ہے ،آئندہ بھی مسیحی برادری کی مالی ،اخلاقی امدادجاری رکھیں گے،ممتازاقلیتی راہنماء ریاض گل نے مہمانوں کا شکریہ اداکرتے ہوئے کہاکہ سادات خاندان نے ہمیشہ مسیحی برادری کی مستحق خواتین کے سروں پرہاتھ رکھاہے جس پرہم سادات خاندان خصوصاً سیدضیاء علی شاہ ترمذی کے انتہائی مشکورہیں ،اس موقعہ پرضلعی صدرپاکستان مسیحی اتحادخرم غوری،ایلڈرچوہدری ناظر ،ایلڈرالفریڈگل،مقصودمسیح،قیصرمٹوسمیت مسیحی خواتین وحضرات کی کثیرتعدادموجودتھی،قبل ازیں جب معززمہمان ریاض گل کی رہائشگاہ پرپہنچے توانکا والہانہ استقبال کیاگیا۔
