پیرس(عمیر بیگ)اقتدار پر قابض نااہل اور کرپٹ حکمرانوں نے عوام پر مہنگائی، بیروزگاری،بجلی، گیس کی لوڈ شیڈنگ کے عذاب مسلط کرنے کے ساتھ ساتھ ان کے بنیادی حقوق چھین کر ان کی زندگی اجیرن کر دی ہے ، ان خیالات کا اظہار پاکستان مسلم لیگ ق فرانس یوتھ ونگ کے صدرچوہدری ندیم نے ایک خصوصی ملاقات میں یس اُردو سے کیا ، انہوں نے کہا کہ عوام ایک بار پھر مسلم لیگ ق کے دور حکومت کو یاد کر رہے ہیں، منشی اسحاق ڈار کی مالی پالیسیوں کی وجہ سے ملک قرضے کے بوجھ تلے دبا جا رہا ہے لیکن حکمرانوں نے سب اچھا کی رٹ لگا رکھی ہے، انہوں نے کہا کہ حکمران مہت جلد ملک چھوڑ کر بھاگنے والے ہیں کیونکہ وطن عزیز پاکستان کا بیڑہ غرق کرنے والوں کا پاکستان میں کوئی بھی سیاسی مستقبل نہیں ہے ، پاکستان مسلم لیگ ق عوام کی طاقت سے ایک بار پھر اقتدار میں آکر عوام کی فلاح و بہبود کیلئے کام کرے گی۔
