کھاریاں(نیئر صدیقی سے) محلے کے ڈاکٹر نے علاج کیلئے آنے والی شادی شدہ لڑکی اغوا کر لی۔ تفصیلات کے مطابق محلہ ثاقب کالونی میں سیالکوٹ کے رہائشی ڈاکٹر نواز نے کلینک بنا رکھا تھا اور محلے کی ایک 22سالہ شادی شدہ لڑکی (س) اس سے دوائی لینے جاتی تھی جسے ڈاکٹرنے ورغلا کر اغوا کر لیا۔ پولیس نے لڑکی کے ورثاء کی نشاندہی پر ڈاکٹر کے کلینک پر چھاپہ مارا تو تین دن سے محصورمغویہ اندر والے کمرے سے برآمد ہو گئی۔ پولیس نے ڈاکٹر نواز کے خلاف مقدمہ درج کر کے گرفتار کر لیا ہے۔
