اسلام آباد……اوگرا نے وزارت پٹرولیم سمری کو بھجوائی ہے جس میں یکم مارچ سے پٹرول ساڑھے 8روپے جبکہ ڈیزل کی 4روپے 67 پیسے فی لٹر کم کرنے کی سفارش کی گئی ہے۔اوگرا نے یکم مارچ سے پٹرولیم مصنوعات کی قیمتوں میں روبدل کی سمری وزارت پٹرولیم کو بھیج دی۔پٹرول 8روپے 48پیسے فی لٹر سستا کرنے کی سفارش کی گئی ہے۔ اوگرا ذرائع کے مطابق ڈیزل کی قیمت میں 4روپے 67پیسے ،ہائی اوکٹین کی قیمت میں 2روپے 98پیسے اور لائٹ ڈیزل کی قیمت میں ایک روپے 97پیسے کمی کی تجویز دی گئی ہے۔مٹی کے تیل کی قیمت میں فی لٹر ایک روپے 66پیسے اضافہ تجویز کیا گیا ہے۔ پٹرولیم مصنوعات کی قیمتوں کا حتمی فیصلہ وزارت خزانہ وزیر اعظم کی مشاورت کے بعد کرے گی۔
