میر پور……ایشیا کپ میں سری لنکا نے متحدہ عرب امارات کو 14 رنز سے ہرا دیا،چندی مل نے ففٹی اسکور کی لیستھ ملنگا نے چار کھلاڑیوں کو آئوٹ کیا۔
میر پور کے شیر بنگلا اسٹیڈیم میں سری لنکن کا آغاز اچھا ہوا،پہلی وکٹ 68 پر گری،پھر لائن لگ گئی اور بمشکل سری لنکا کا اسکور بیس اوورز میں آٹھ وکٹ پر 129 رنز تک پہنچ سکا ،جواب میں یو اے ای کی بیٹنگ لائن شروع میں لڑکھڑا گئی اور47 رنز پرچھ کھلاڑی آئوٹ ہو گئے ،اس مشکل میں ایس پاٹیل نے 37 رنز بناکر میچ کو دلچسپ بنادیا۔تاہم یو اے ای کی ٹیم نو وکٹ پر 115 رنز ہی بناسکی ،یوں سری لنکا نے 14 رنز کی کامیابی کے ساتھ دو پوائنٹس حاصل کر لیے، یو اے ای کی ٹیم کا معرکہ میزبان بنگلا دیش سے ہوگا۔
