ننکانہ صاحب(محمد قمر عباس سے)دیرینہ دشمنی کی وجہ سے پیشی پر آئے نو جوان کو مخالفین نے فائرنگ کرکے قتل کردیا۔ تفصیلات کے مطابق منڈی فیض آباد کے نواحی گاؤں مغلاں والا کا 30سالہ رہائشی رفاقت علی جو کہ ننکانہ صاحب کچہری میں پیشی پر آیا ہوا تھا جب وہ پیشی سے فارغ ہو کر واپس جانے کیلئے نکلا تو اس کے مخالفین جو کہ پہلے سے احمد شاہ روڈ نزد ڈی سی او پارک گھات لگا کر بیٹھے ہوئے تھے انہوں نے اندھا دھند فائرنگ کی جس کی وجہ سے رفاقت علی زخمی ہوگیا جس کی اطلاع ریسکیو 1122کو ملی جنہوں نے اس کو ڈی ایچ کیو ہسپتال ننکانہ منتقل کیا جہاں وہ زخموں کی تاب نہ لاتے ہوئے زندگی کی بازی ہار گیا۔
