لاہور……لاہور لٹریری فیسٹیول میں شرکت کیلئے آنے کو تیار بھارتی اداکارہ پوجا بھٹ اور فلمساز، ہدایتکار مہیش بھٹ سیکیورٹی کلیئرنس نہ ملنے پر پاکستان نہیں آ سکے، عین آخری وقت ٹکٹ کینسل کرانا پڑ گئے۔
پہلے لاہور لٹریری فیسٹیول کےاین او سی کا مسئلہ بنا، پھر مقام تبدیل ہوا اور دن بھی تین کے بجائے دو کرنا پڑے۔ ایک اور دھچکا لگا بھارت کے معروف فلمساز، ہدایتکار مہیش بھٹ اور اداکارہ پوجابھٹ فیسٹیول میں شرکت کے لیے تیار تھے مگر آڑے آگئی سیکیورٹی کلیئرنس اور اب وہ بھی نہیں آ پائیں گے۔مہیش بھٹ نے خصوصی گفتگو میں بتایا کہ انہیں فیسٹیول انتظامیہ نے آگاہ کیا کہ سیکیورٹی کلیئرنس نہیں مل رہی،اس لئے نہ آئیں، عین وقت پرانہیں ٹکٹ کینسل کرانا پڑے۔ مہیش بھٹ نے کہا کہ انہیں اور پوجا بھٹ کو لاہور آنے کا بے صبری سے انتظار تھا اورجمعے کی صبح واہگہ کے راستے لاہور پہنچنا تھا، بھارت فلم انڈسٹری کی دونوں معروف شخصیات نے پاکستان کا ملٹی پل ویزا بھی لے رکھا تھا۔
