لالہ موسیٰ(جمیل احمدطاہر)ممتازسماجی وسیاسی شخصیت چوہدری بنارس علی کالس آف رکڈنڈ کی پیپلزپارٹی کے ممتازراہنما چوہدری ظہیراصغرکائرہ سے اہم ملاقات،احمدپٹرولیم لالہ موسیٰ پرہونے والی ملاقات میں لالہ موسیٰ ،ڈنگہ سمیت پورے حلقہ این اے 106کی سیاسی صورتحال زیربحث آئی ،اس موقعہ پرچوہدری ظہیراصغرکائرہ نے کہاکہ چوہدری بنارس علی کالس کا خاندان یونین کونسل علی چک میں بھی اور یونین کونسل کرنانہ میں بھی ہمارے خاندان کے ساتھ عرصہ درازسے تعاون کرتاچلاآرہاہے ،حاجی چوہدری ریاست علی مرحوم بدہوکالس اور حاجی چوہدری لیاقت علی آف رکڈنڈ دونوں بھائیوں نے ہمیشہ ہماراساتھ دیااور ہمیں اس خاندان پر ہمیشہ فخررہاہے ،اور ہمارے خاندان کا آخری فردبھی اس تعلق کو نبھائے گا،چوہدری بنارس علی کالس نے کہاکہ ہمارے بزرگ حاجی چوہدری ریاست علی مرحوم نے ہمیں وفااور تعلق نبھانے کا درس دیاہے ،ہم مرتے دم تک کائرہ خاندان سے تعلق نبھائیں گے۔
