لالہ موسیٰ(جمیل احمدطاہر)کائرہ خاندان اور شیخ عبدالخلیل خاندان ضلع گجرات سمیت پوری دنیامیں اپنی الگ پہچان رکھتاہے،ان خیالات کا اظہارممتازسماجی وسیاسی شخصیت چوہدری عمران اشرف پسوال نے ’’ڈیرہ پسوالاں علی چک‘‘ میں معززین سے گفتگوکرتے ہوئے کیا،انہوں نے کہاکہ چوہدری قمرزمان کائرہ ،چوہدری ندیم اصغرکائرہ نے سیاست کے میدان میں لالہ موسیٰ کا نام انٹرنیشنل سطح تک پہنچایاجبکہ الحاج شیخ عبدالخلیل کے صاحبزادوں شیخ ناصرمحمود،شیخ طارق محمود،شیخ ساجدمحمود،شیخ خالدمحمود،شیخ آصف محمودنے سماجی خدمات اور کاروبارکے حوالہ سے لالہ موسیٰ کا نام روشن کیا،انہوں نے کہاکہ ہم دونوں خاندانوں کی مزیدکامیابیوں ،کامرانیوں کیلئے دعاگوہیں کہ یہ دونوں خاندان اسی طرح عوام کی خدمت کرتے رہیں۔
