لاس اینجلس…….امریکی صدارتی امیدواربننے کےخواہشمند ڈونلڈ ٹرمپ ہالی وڈ کے نشانے پرآ گئے، ٹرمپ کی فرضی آپ بیتی پر مبنی فلم 146146دی آرٹ آف دی ڈیل145145 بنا دی۔
بد تمیز، بدزبان ، بد اخلاق، ڈونلڈ ٹرمپ نے اپنی صدارتی مہم کے دوران اپنی شخصیت کے کئی روپ دکھائے،اب ان کےکچھ اور روپ دیکھئے فلم 146146دی آرٹ آف دی ڈیل145145 میں۔پچاس منٹ کی فیچر فلم میں ٹرمپ کا کردار اداکیا ہے جانی ڈیپ نے،فرضی آپ بیتی پر مبنی اس فلم میں ٹرمپ کی زندگی کو مزاحیہ اور طنزیہ انداز میں پیش کیا گیا ہے۔بتایا گیا ہے کہ پر آسائش زندگی گذارنے والے ٹرمپ کو لاکھوں ڈالرز وراثت میں ملے،لیکن پھر کیسے انہوں نے کاروباری چالیں چل کر نیویارک سٹی پر قبضہ کر لیا،جانی ڈیپ کو ٹرمپ کے کردار میں دیکھ کر آپ اپنی ہنسی روک نہیں پائیں گے۔
