نیویارک……امریکی شہر نیو یارک میں ہالی وڈ کی کامیڈی سے بھرپور نئی ایڈونچر فلم “زولینڈر2 ” کے رنگا رنگ پریمیئر کا انعقاد کیا گیا۔پریمیئر میں فلم میں اداکاری کرنے والے فنکار شریک ہوئے۔
معرو ف ہالی وڈ اداکاروہدایتکار و رائٹر بین اسٹیلر کی یہ سنسنی خیز فلم 2001کی بلاک بسٹر فلم زولینڈر کا سیکوئل ہے جس کی کہانی گزشتہ فلم کی طرح ڈریک اور ہینسل نامی دو ایسے ماڈلز کے گِرد گھوم رہی ہے جنہیں ان کی مخالف کمپنی ناکام بنانے پر تُلی ہے تاہم دونوں ماڈلز ان کا ڈٹ کر مقابلہ کرتے ہیں۔اسٹورٹ کمفیلڈ، اسکاٹ روڈن اور بین اسٹیلر کی مشترکہ پروڈیوس کردہ اس فلم میں مرکزی کردار بھی اسٹیلرخود نبھا رہے ہیں جن کے علاوہ فلم کی دیگر کاسٹ میں اوون وِلسن ، پینی لوپ کروز، کرسٹین وِگ اور سائرس آرنلڈ شامل ہیں۔کامیڈی سے بھرپور ایڈونچر فلم کو پیرا ماؤنٹ پکچرز کے تحت 12فروری کو سنیماگھروں میں نمائش کیلئے پیش کر دیا جائیگا۔
