سکھر میں لڑکیوں کو اغواء کرنے والی عورتوں کے ایک گینگ کا انکشاف ہوا ہے۔ یہ گروہ خواتین کو بہلا پھسلا کر لاتا اور آگے بیچ دیتا تھا۔
سکھر: (یس اُردو) سکھر میں خواتین کے ہاتھوں خواتین کے اغواء کا انوکھا واقعہ بے نقاب ہوا ہے۔ سکھر میں گندہ دھندا کرنے والا بڑا گروہ پکڑا گیا ہے۔ سائیٹ ایریا پولیس کو خبر ملی تو گلشن اقبال میں ایک مکان پر چھاپہ مارا گیا، کارروائی میں چار خواتین اور دو بچوں کو بازیاب کرا لیا گیا۔بازیاب کرائی گئی خوا تین نے ہوشربا انکشافات کئے، کہتی ہیں انہیں حکومت سے رقم دلوانے کے بہانے یہاں لایا گیا۔ نشہ آور اشیاء کھلا کر زیادتی کی گئی اور غلط کاموں پر مجبور کیا گیا۔ اس سارے دھندے میں عورتوں کا ایک گروہ ملوث ہے۔بازیاب خوا تین میں سے تین کا تعلق کراچی اور ایک کا حیدر آباد سے ہے۔ پولیس کے مطابق، ایک ملزم زاہد شاہ کو گرفتار کر لیا گیا ہے۔ کراچی سے اغواء کی گئی خواتین نے الزام لگایا ہے کہ گروپ میں شامل کراچی کی خاتون نے ورغلاء کر ساتھ بھیجا تھا۔
