اسٹاک ہوم …..سوئیڈن میں سیکڑوں نقاب پوش حملہ آوروں نے اسٹاک ہوم اسٹیشن پر پناہ گزین بچے پر حملہ کردیا، حملہ آوروں نے نسلی امتیاز پر مبنی کلمات والی پرچیاں بھی تقسیم کیں ۔
پولیس کے مطابق گزشتہ رات اسٹاک ہوم کے ریلوے اسٹیشن پر چہرے چھپائے سیکڑوں افراد نے حملہ کیا، حملہ آوروں نے اسٹیشن پر موجود پناہ گزینوں اورغیر مقامی افراد کو نشانہ بنایا اور ایک پناہ گزین بچے کو مارا، نقاب پوشوں نے بہت ہوچکا کی عبارت لکھی پرچیاں بھی تقسیم کیں۔مقامی میڈیا کے مطابق واقعہ کچھ دنوں پہلے2 پناہ گزینوں کے جھگڑے میں ایک مقامی ورکر کے قتل کے خلاف غصے کا شاخسانہ ہے۔
