انٹر اپارٹی انتخابات کی کامیابی کیلئے کارکنوں کوکردار اداکرنا ہوگا،ضلعی آرگنائز عمر ڈار
سمبڑیال (سٹی رپورٹر) تحریک انصاف کے ضلعی آرگنائز عمر ڈار نے کہا ہے کہ این اے 110 کا حلقہ اوپن ہو گا اور دوبارہ الیکشن میں خواجہ آصف کو پچاس ہزار ووٹوں سے شکست دیں گے ، ان خیالات کا اظہار انہوں نے سمبڑیال کے موضع شمسہ میں این اے 112 کے سابق ٹکٹ ہولڈر سلمان چیمہ کی رہائش گاہ پر انٹرا پارٹی الیکشن کے حوالے سے منعقدہ تقریب سے خطاب کرتے ہوئے کیا ،انہوں نے کہا کہ سپریم کورٹ سے تمام ووٹوں کی شناخت بمعہ انگوٹھا نشان کا ریکارڈ نادرا سے تصدیق کروا کر 3ماہ میں سپریم کورٹ میں پیش کیا جائے اب وہ دن دور نہیں ،جب عوام دودھ کا دودھ اور پانی کا پانی ثابت کردیں گے ، انہوں نے مزید کہا کہ انٹر اپارٹی انتخابات کی کامیابی کے لئے تمام کارکنوں کو اپنا کردار اداکرنا ہوگا۔ اس موقع پر سیف اﷲ چیمہ ، مختار احمد بل ، ہارون ضیاء گھمن ، فیاض اقبال چیمہ ، افتخار ساہی ودیگر بھی موجود تھے ، انہوں نے کہا کہ بلدیاتی الیکشن بائی پارٹس کروا نے کا مقصد تحریک انصاف کے امیدوار وں کو ٹارگٹ کرنا اور تحریک انصاف کا راستہ روکنا تھا ۔
