ماسٹر چیمپینز لیگ ؛آج ایونٹ میں دو میچز ہوں گے

دبئی…..چیمپینز کرکٹر کی ماسٹر چیمپینز لیگ کے افتتاحی میچ میں سہواگ کی جیمنائی عریبینز نے کیلس کی لبرا لیجنڈز کو 78 رنز سے ہرا دیا آج ایونٹ میں دو میچز ہوں گے۔
مائیکل وان کی کیپری کورن کمانڈرز کا مقابلہ برائن لارا کی لیو لائنز سے اور گریم اسمتھ کی ورگو سپر کنگز کا میچ ایڈم گلکرسٹ کی سیگی ٹیریس اسٹرائیکرز سے ہوگا۔جیو سوپر اور جیوتیز سے براہ راست نشر کیے جائیں گے۔یو اے ای میں شروع ہونے والی ماسٹر لیگ کے افتتاحی میچ میں لیوی اور سنگاکارا نے دکھائی اپنی کلاس۔سنگا کارا نے کیے 86 رنز تو لیوی کا اسکور رہا 62۔بریڈ ہوج نے 46 رنز کی شاندار اننگز کھیلی،جمنائی عربینز کا اسکور 20 اوورز میں رہا تین وکٹ پر 234 رنز ۔جواب میں جمنائی کے بولرز نے بھی اپنی دھاک بٹھائی،رانا نوید،کائل ملز،اور مرلی دھرن کے سامنے بڑے بڑے ٹک نہ پائے ۔لبرا لیجنڈز آٹھ وکٹ پر 156 رنز ہی بنا پائے ۔آج ایونٹ میں پہلا میچ مائیکل وان کی کیپری کورن کمانڈرز اور برائن لارا کی لیو لائنز کے درمیان ہوگا جبکہ دوسرے میچ میں گریم اسمتھ کی ورگو سپر کنگز اور ایڈم گلکرسٹ کی سیگی ٹیریس اسٹرائیکرز آمنے سامنے ہوں گی ۔اور یہ کانٹے دار مقابلے جیو سوپر اور جیوتیز براہ راست نشر کریں گے ۔