پیرس (اے کے راؤ) مشہور زمانہ ڈزنی لینڈ پیرس سے متصل ہوٹل نیویارک کے داخلی دروازے سے دو بندوقوں سے مسلح شخص کو گرفتار کیا گیا ہے۔
اطلاعات کے مطابق پیرس ہی کے رہائشی ایک 28 سالہ شخص نے اپنی گرل فرینڈ کے ساتھ دزنی لینڈ پیرس سے متصل نیویارک ہوٹل میں ایک کمرہ کرائے پر لیا، مین گیٹ پر الارم کے سگنل دینے پر تلاشی میں اس کے سامان سے 80 کی دھائی کی دو بندوقیں اور 20 کارتوس برآمد ہوئے اور ان کے ساتھ قرآن پاک کی کچھ آیات کی ٹرانسلیش بھی ملی ہیں۔
عینی شاہد کے مطابق موصوف نے گرفتاری کے وقت کوئی مزاحمت نہیں کی اور اس کی گرل فرینڈ کے پاس سے بھی کوئی غیر ممنوعہ چیز برآمد ہوئی اور نہ ہی وہ مسلح تھی۔ سالانہ ایک کروڑ افراد کی توجہ کا مرکز ڈیزنی لینڈ پیرس فرانس کا مقبول سیاحتی مرکز ہے۔
خیال رہے کہ گذشتہ سال 13 نومبر کے پیرس حملوں کے بعد سے فرانس میں ایمرجنسی صورتحال ہے۔
