کسی سے اسکی دولت کی وجہ سے شادی نہیں کرونگی ، مجھے رشتے بیحد عزیز ہیں:اداکارہ
ممبئی(نیٹ نیوز)بالی و وڈ کی نامور اداکارہ پریانکا چوپڑا کی کامیابیوں کا گراف بڑھتا چلا جارہا ہے ،ایک انٹرویو میں پریانکا نے اپنی ذاتی زندگی خاص کر شادی اور لائف پارٹنر کے حوالے سے کھل کر خیالات کا اظہار کیا۔پریانکا نے بتایا کہ میں ہمیشہ سے بچے چاہتی ہوں، بہت سارے بچے ،یہی وجہ ہے کہ میں شادی کرنا چاہتی ہوں۔انہوں نے مزید کہا کہ میری زندگی میں کوئی شخص صرف اُس وقت آئے گا جب مجھے محبت ہوگی اور وہ واحد وجہ جس کی وجہ سے مجھے کسی شخص کی ضرورت ہوگی وہ بچے ہیں ۔پریانکا نے واضح کیا کہ وہ دولت کی وجہ سے کسی سے شادی نہیں کریں گی، ان کا کہنا تھا کہ اگر میری زندگی میں کوئی شخص آیا تو وہ ڈائمنڈز (ہیروں) کی وجہ سے نہیں آئے گا، کیونکہ اپنے لیے ہیرے میں خود بھی خرید سکتی ہوں۔پریانکا نے بتایا کہ میں نے ہمیشہ اپنے رشتوں کی حفاظت کی ہے ، میں بری نظر پریقین رکھتی ہوں اور اگر کوئی چیز آپ کے لیے اہم ہے تو اسے اپنے دل کے قریب رکھنا چاہیے ۔پریانکا نے اداکاری کے ساتھ ساتھ گلوکاری میں بھی خوب نام کمایا ہے ۔حال ہی میں پریانکا چوپڑا کو ہندوستان کے چوتھے سب سے بڑے سول اعزاز ‘پدما شری ایوارڈ’سے نوازا گیا ہے ۔
