لاہور۔۔۔۔۔۔۔۔لاہور اور گردونواح میں زلزلے کے شدید جھٹکے محسوس کیے گئے،زلزلے کی شدت ریکٹر اسکیل پر پانچ اعشاریہ دو بتائی گئی ہے ۔
لاہور میں دوپہر 12بج کر 4منٹ پر زلزلے کے جھٹکے محسوس کیے گئے ،جھٹکوں سے ہر طرف خوف و ہراس پھیل گیا ،گھروں اور دفاتر میں موجود لوگ کلمہ طیبہ اور آیات کریمہ کا ورد کرتے ہوئے سڑکوں اور کھلی جگہوں پر نکل آئے۔محکمہ موسمیات کے مطابق زلزلے کی شدت ریکٹر اسکیل پر پانچ اعشاریہ دو تھی ۔لاہور کے ساتھ شیخوپورہ ، قصور ، چونیاں ، اوکاڑہ ،گوجرانوالہ اور دیگر علاقوں میں بھی جھٹکے محسوس کیے گئے ۔
