لاہور …… پاکستان کی ٹی 20 کرکٹ ٹیم کے کپتان شاہد آفریدی اور بلے باز عمر اکمل نیوزی لینڈ سے لاہور پہنچ گئے ہیں،ان کی آمد پر نیوزی لینڈ سے شکست پر دلبرداشتہ شائقین نے غم و غصے کا اظہار کرتے ہوئے نعرے بازی کی ۔
شاہد آفریدی اور عمر اکمل نجی ائرلائن کی پرواز سے لاہور پہنچے ،ٹی 20 سیریز 2-1 سے ہارنے پر شائقین دل برادشتہ تھے ، ایئرپورٹ پر کپتان شاہد آفریدی اور عمر اکمل کو دیکھتے ہی لوگوں نے شدید غم و غصے کا اظہار کیا اور نعرے بازی کی۔تاہم دونوں کھلاڑی لوگوں کے نعروں کی پروا کیے بغیر گاڑیوں میں بیٹھے اورمیڈیا سے بات کئے بغیر روانہ ہو گئے۔
