سڈنی……آخر کار بھارت نے آسٹریلیا میں جیت کا مزہ چکھ لیا ، بھارت نے آسٹریلیا کو آخری ون ڈے میں 6 وکٹ سے شکست دے دی۔
آسٹریلیا نے سیریز چار، ایک سے اپنے نام کرلی،سڈنی میں آسٹریلیا اور بھارت کے درمیان دلچسب میچ ہوا،آسٹریلیا کے 330 رنز کے جواب میں بھارتی ٹیم کی جوابی کاروائی کارآمد ثابت ہوئی۔
شیکھر دھوان کے شارٹ پر شان مارش کے خوبصورت کیچ کی خوب دھوم مچی، ویرات کوہلی نے آسٹریلیا کے خلاف ہزار رنز تو بنائے مگر وہ صرف 8 رنز ہی بناسکے،اس دوران آسٹریلیا کی طرف سے کچز ڈراپ کرنے کا سلسلہ بھی جاری رہا۔پہلے روہت شرما اور پھر دھونی کا کیچ ڈراپ ہوا،لیکن منیش پانڈے کی شاندار 104 رنز کی انگز نے بھارت کو آسٹریلیا میں پہلی فتح دلانے میں اہم کردار ادا کیا۔
