ملتان ……شدید دھند کی وجہ قریب گڈوتھرمل پاور ہاؤس کے 132 کے وی کی تاریں گرگئیں ہیں جس سے سندھ اور پنجاب کے کئی شہروں میں بجلی کی فراہمی معطل ہوگئی ہے ۔
گڈو تھرمل پاور ہاؤس ذرائع کے مطابق شدید دھند کی وجہ سے گڈو بیراج کے مقام پر 132 کے وی کی تاریں گرگئیں ہیں جس سے سندھ اور پنجاب میں رحیم یار خان،راجن پور،شکار پور،سکھر،جیکب آباد،کندھ کوٹ اور دیگر علاقوں میں بجلی کی فراہمی معطل ہوگئی ہے ۔سیکپو کی ٹیم سکھر سے روانہ ہوگئی ہے اور جلد ہی مرمت کام شروع کردیا جائےگا ،مرمتی کام مکمل ہونے میں چار سے پانچ گھنٹے لگ جائیں گے ، جس کے بعد بجلی کی فراہمی بحال کردی جائےگی ۔
