لاہور ……پاکستان کرکٹ ٹیم کے ہیڈ کوچ وقار یونس قومی ٹیم کے فاسٹ باولر راحت علی کے پی ایس ایل میں شامل نہ کیے جانے پر شدید ناراض ہیں۔پاکستان ٹیسٹ ٹیم کے مستقل رکن راحت علی کو پی ایس ایل کی کسی فرنچائز نے منتخب نہیں کیا ، جس کی وجہ سے وقار یونس پی ایس ایل انتظامیہ اور اس کی فرنچائزز سے ناراض ہو گئےہیں ۔ہیڈ کوچ کا کہنا ہے کہ فٹنس کیمپ میں شامل 26 میں سے واحد کھلاڑی راحت علی ہیں جو پی ایس ایل میں شامل نہیں ،جس کی وجہ سے اس کی حوصلہ شکنی ہوئی ہے، وہ ٹیسٹ اسکواڈ کا مستقل رکن اور ورلڈ کپ میں ملک کی نمائندگی کے باوجود پی ایس ایل کا حصہ نہیں ۔وقار یونس نے کہا کہ انہوں نے پی ایس ایل کی انتظامیہ سے بات کی ہے کہ وہ راحت علی کو کسی فرنچائز میں شامل کرنے کی راہ نکالیں ۔
