سندھ اسمبلی کے ارکان کو بھی سیلفی بخار چڑھ گیا، عوام کیلئے قانون سازی تو نہ ہو سکی مگر سیلفیاں خوب بنتی رہیں۔
کراچی: (یس اُردو) سندھ اسمبلی کا اجلاس شروع ہونے سے قبل ہی ارکان اسمبلی نے موبائل فون نکال کر سلیفیاں لینا شروع کر دیں، خواتین اراکان نے مختلف انداز سے تصاویر بنائیں، ایم کیو ایم کی ارم فاروقی، ہیر سوہو، شمائلہ سلیفیاں لیتی رہیں۔مرد ارکان اسمبلی بھی خواتین سے پیچھے نہ رہے، سندھ اسمبلی اجلاس کی یاد گار موبائل فون میں محفوظ ہوتی رہی۔دوران اجلاس عوامی مسائل اور قانون سازی کے بجائے ارکان اسمبلی موبائل فونز پر گفتگو میں بھی مصروف نظر آئے۔سلیفیوں کا بخار سندھ اسمبلی میں سر چڑھ کر بولا، تاہم سوال یہ ہے کہ اراکان کی سلیفیاں انکے غیر سنجیدہ روئیے کی عکاس ہیں، ان کے ذوق جمال کی آئنہ دار ہیں یا ان کی محض اور محض اپنی ذات سے محبت کی ترجمان۔
